【你哋有冇遇過更刁鑽嘅見工問題? 】
身邊好多朋友都會問我關於見工嘅問題，一般嚟講都可以滿足到佢哋，唯獨是Interview Questions就真係好難教路，特別係對方face to face問你，擺明係想考你急才同埋思路，呢啲時候只可以執生爆肚，以下係我2017年內聽過最搞鬼嘅問題:
1)
如果你老細係基督教，佢不斷以各種理由叫你返教會，你會點樣推? (註: 佢講明唔可以答全家信佛。)
我朋友點答: 佢話自己報咗進修課程，再加埋同朋友組隊踢波，每星期keep住練習同比賽，總之作到一至五收工後都好唔得閒，星期六就要返學兼練波，忙過返工，星期日Family Day，由出世到而家風雨不改。
後記: 恭喜晒，請咗！但原來老細係基督教...@!#$%^&*!@#$%^^&*，返工第一日老細就笑住同佢講:「嗱，我知道晒你啲藉口，我為你好咋。」而家我朋友逢星期五放工都同成班同事Dinner兼返教會......(真人真事)
2)
一加一除咗等如二? 仲可以等如幾多? 點解?
我朋友點答: 如果我朋友唔話俾我知呢間係Marketing公司，我會極度懷疑佢去咗Expedia見工，呢題擺明係考創意，要一個離經叛道嘅答案，仲可以解得通，完全冇得預備，只可以多啲留意新事物，Expedia個廣告度得出機票+酒店，可享低至4折優惠，完全符合 1+1=4 呢個概念，度橋嗰位真係幾有腦，當然都要配合公司產品，所以Marketing的確唔易做，食腦好重要。
後記: 我朋友即場答咗一加一等如"王"字，結果梗係......唉，早啲睇到修哥個廣告咪好囉。
3)
賭大細100個回合，當中開咗80次大，20次細，咁你作為開盤手，第101個回合之後你會點開盤，大同細嘅賠率你會點調節?
我朋友點答: 呢份工犀利喇，係馬會足球投注操盤手，聽下佢點樣完美示範:「開大同埋開細嘅機會率係均等，而要出現均等情況，就要靠大數定律，愈開得多，就愈會出現50% vs 50%嘅情況，所以第101個回合我都會將大細嘅賠率繼續設為一樣，只要對方繼續買落去，呢個定律就會出現。」
後記: 冇得彈，抵你見得成。
#expedia sorry, Expedia, 撻咗你張修哥picture一用
Search